Уур амьсгалын өөрчлөлт, гамшгийн удирдлагын баг төсөл, хөтөлбөр хэрэгжүүлж буй Дундговь аймагт ажиллаж аймгийн иргэдийн Төлөөлөгчдийн Хурлын дарга, Улаан загалмайн хорооны тэргүүн Ж.Мөнхчулуунтай уулзаж, өнгөрсөн хугацаанд үзүүлсэн Зудын нөхөн сэргээх хөтөлбөрийн хүрээнд хийсэн ажил, цаашид төслийн хүрээнд хийгдэх үйл ажиллагаа, бэлтгэл ажил болон өвөлжилтийн нөхцөл байдлын талаар ярилцаж, мэдээлэл солилцлоо.
Төсөлд хамрагдахаар сонгогдсон Сайнцагаан, Эрдэнэдалай сумдын Анхан шатны хороо, Ерөнхий боловсролын сургуулийн үйл ажиллагаатай танилцаж, сайн дурын идэвхтнүүд, өсвөрийн Улаан загалмайн төлөөлөлтэй уулзлаа.
Мөн Сайнцагаан, Луус суманд Зудын хөтөлбөрийн хүрээнд дэмжлэг үзүүлж бариулсан малчдын өвөлжөө, Амьжиргааг дэмжих хөтөлбөрт хамрагдан Хүлэмжийн аж ахуй эрхэлж буй Гурвансайхан сумын Малчны бүлгийн төлөөлөлтэй уулзаж бизнесийн үйл явцтай танилцлаа.
Зургийн цомог
Эх сурвалж: https://www.gov.mn/news/n/3be9
