Тус арга хэмжээнд Монгол Улсын Ерөнхийлөгч У.Хүрэлсүх, Улсын Их Хурал, Засгийн газрын гишүүд, орон нутгийн удирдлага, тэмээчид, иргэд олон нийтийн төлөөлөл хүндэтгэн оролцож байна.
Уг наадам (2026.01.24-25)-ны өдрүүдэд үргэлжлэх бөгөөд дөрвөн насны хурдан тэмээний уралдаан, тэмээн харваа, тэмээн поло, тэмээн дээрээс шагай шүүрэх, буйл зорох, бурантаг томох, эмнэг тэмээний туйлаан зэрэг уламжлалт болон орчин үеийн спорт, соёлын олон төрлийн тэмцээн, уралдаан зохион байгуулагдаж байна.
Мөн шилмэл буур, шилмэл ингэ, сайхан тэмээтэй ганган хос шалгаруулах уралдаан явагдаж, тэмээний соёл, өв уламжлалыг сурталчлан таниулах, тэмээчдийн ур чадвар, туршлагыг солилцох чухал ач холбогдол бүхий арга хэмжээ болж байна.
Зургийн цомог
Эх сурвалж: https://www.gov.mn/news/n/3c2d
